حماتي فصلت التكييف عليا

أرقام وحقائق بس على الترابيزة
أنت كاتب هنا مصاريف وضيافة وعزومات ب 420000 جنيه.. فين الفواتير دي؟ طارق بدأ يقطع في الكلام ويقول
إحنا.. إحنا بنجمعها أهو.. وهتوصل.
يعني حضرتك مقدم تكاليف ملهاش أي إثبات رسمي!
قلبت الصفحة اللي بعدها وقولت
وفيه كمان مبالغ وإيداعات اتحولت على حساب شخصي مربوط بإدارتك التجارية.. ممكن تفهمني ده إيه وبتاع إيه؟ طارق بلع ريقه بصعوبة ووشه جاب ألوان
أكيد.. أكيد ده غلط إداري وحسابي غير مقصود.
الأخطاء الإدارية مبتتكررش 11 مرة وبتوقيع حضرتك الشخصي يا أستاذ طارق.
في اللحظة دي، زمايله اللي كانوا معاه نفضوا إيديهم منه وبطلوا يدافعوا عنه. الاجتماع خلص بقرار تجميد العرض بالكامل، وتحويل الملف كله للنيابة والرقابة المالية ولجنة تحقيق مستقلة. طارق وقف فجأة من طوله وبص لي برجاء
مريم.. أرجوكي، خلينا نتكلم مع بعض كأهل وعيلة.
بصيت له بهدوء وثبات نفسي مكنتش أتخيل إنهم عندي
في القاعة دي مبيتقالش غير لغة البيزنس والشغل.. أما الأهل والعيلة، فأنت سبتهم وضيعتهم في إيد مامتك في كل مرة كانت بتهينني فيها وأنت بتفضل السكوت وتتفرج عليا.
وأنا معدية من جنبه، ميلت عليه وقولت له بصوت واطي
روح البيت.. راجع ورقك، وماتنساش توفر في الكهربا والماية.. الدنيا غليت وكل حاجة بقت نار!
بعد الظهر في نفس اليوم، وحسب ما حكت لي بعد كده طنط روزة جارتنا في الدقي، طارق وصل العمارة وهو هيموت من الغل والعصبية. دخل الشقة لقى أمه قاعدة بتهوي على نفسها بحتة كرتونة، لا تلفزيون، ولا مروحة، وكان محصل الغاز واقف على الباب بيطالب بتمن 3 شهور متأخرين.
حماتي الست تيسير قالت له
ادفع له أنت يا ابني.. الراجل واقف على الباب وبيتكلم معانا كأننا شحاتين!
طارق طلع آخر فلوس كانت باقية في محفظته ورماها للمحصل، ودخل الشقة الضلمة الكئيبة. ولأول مرة، الشقة اللي كانوا بيتباهوا بيها قدام الناس وبخيرها بقت تقيلة على قلبهم وكأنها هم ودين فوق كتافهم.
الست تيسير قعدت تندب وتشتكي
مراتك دي ست قرشانه وقليلة الأصل.. عشان بس فصلت عنها حتة جهاز عملت الليلة دي كلها وعيشتنا في الضلمة!
طارق رزع شنطة الشغل بتاعته على السفرة وزعق بعلو صوته
الجهاز ده هي اللي شارياه بفلوسها! والشقة دي شقتها وباسمها! والعقد واللقمة اللي كانت حتأكلني وتنقذ مستقبلي وشغلي واقف في إيدها وتحت رحمتها!
حماتي حاولت تكابر وتحافظ على كبرياءها المزيف
الست الأصيلة لازم تستحمل وتصون جوزها وتقف جنبه!
تقف جنبي؟! طارق خبط على السفرة بغل دي كانت شايلانا ومتحملة كل مصاريفنا وأنتِ قاعدة تقولي عليها ست مأنتخة ومعيوشة وبتذلي فيها!
في اللحظة دي، دخل إياد أخوه الصغير، وهدومه مبهدلة وعينه زاغرة في الأرض، وأول ما شاف طارق كان عاوز يلف ويرجع ويهرب. طارق زعق فيه
اقف عندك! أنت رايح فين؟ مديون بكام ومخلص على إيه؟ إياد قعد ينهج وعرقان
مفيش يا أخويا.. مديون إيه؟ ده سوء تفاهم.
تليفون الست تيسير رن، راحت قفلاه فوراً بارتباك. بعدها بثانية تليفون إياد رن، طارق خطفه من إيده وفتح الاسبيكر، جه صوت غليظ ومرعب من الناحية التانية
قدامك 3 أيام.. يا ال 250000 جنيه يندفعوا، يا وعهد الله هنيجي نجيبك من قفاك من قلب البيت ونعرف نتحاسب معاك!
السكوت حل على الشقة زي الصدمة. طارق بص لأمه وهو مش مصدق
كنتِ بتاخدي فلوس مريم وتقولي علاج وخزين عشان تدفعي ديون المراهنات والقمّار بتاعة المحروس ابنك الصغير؟!
الست تيسير قعدت تعيط وتلطم
ده أخوك الصغير يا طارق.. والأم لازم تقف جنب عيالها وتحميهم!
إياد لما لقى نفسه اتكشف والكل هيدوس عليه، قرر يفتن ويجيب عاليها واطيها
متعملش فيها ضحية وشريف يا طارق! ما أنت كمان واخد من فلوسها ورايح تشتري خاتم ألماظ لفريدة، وأمي كانت عارفة وموافقة وقالت لك أول ما مريم تمشي من هنا هنطردها ونجيب فريدة تعيش معانا في الشقة!
في الليلة دي، كل حاجة اتهدت فوق دماغهم الكدب، الكبرياء، الشقة، والعيلة المثالية اللي كانوا بيقعدوا يمنظروا بيها قدام الجيران والناس.
وتاني يوم الصبح، وصِلهم الإنذار الرسمي على يد محضر قدامكم 7 أيام وتخلوا الشقة تماماً.
بعدها ب 3 أيام، كان فيه حفلة وسهرة كبييرة لرجال الأعمال والشركات في فندق خمس نجوم في الزمالك. وبالنسبة لشركة المقاولات اللي طارق شغال فيها، دي كانت الفرصة الأخيرة والوحيدة عشان يقابلوا أي حد من الكبار في المجموعة ويحاولوا يلحقوا العقد وينقذوا شركتهم من الخراب.
أنا روحت الحفلة دي ولابسة فستان كحلي غامق، شيك ووقور جداً، ومن غير مجوهرات مبهرجة، كنت بس لابسة ساعة بابا الله يرحمه في إيدي. مكنتش رايحة أعمل نمرة ولا شو، بس الست تيسير وحماتي السابقة كان ليها رأي تاني.
لمحتها داخلة الحفلة ومعاها طارق؛ كانت لابسة فستان أسود بترتر بيلمع، وعقد دهب ضخم، وحاطة مكياج تقيل جداً عشان تداري الهالات السودا والهم اللي في وشها. كانت ماشية ورافعة راسها لفوق ومناخيرها في السما كأنها لسه تملك الدنيا.
أول ما شافتني واقفة في منطقة ال VIP، جت عليا وبأعلى صوت عندها قدام الناس قالت بلؤم
شوفوا مين هنا! الهانم قاطعة صلة الرحم وقليلة الأصل بتدخل الأماكن دي كمان! مين اللي دافع لك تمن الفستان ده يا مريم؟ لحقتي تلاقي راجل تاني يصرف على منظرتك وعياقتك؟
الناس كلها بدأت تلفت وتبص وتتوشوش. طارق مسك دراعها جامد ووشه لونه خطف
ماما! اسكتي الله يخليكِ، فضحتيرنا!
بس الست تيسير مأقصرتش وكملت بشر
الست اللي تقطع الماية والكهربا عن ست عجوزة في سن أمها متبقاش ست محترمة ولا تستاهل حد يبص في وشها.. مهما لبستي نضيف برضه هتفضلي قليلة الأصل وناكرة للجميل!
حطيت الكاس من إيدي على الترابيزة وبصيت لها بكل برود
مساء الخير يا ست تيسير.
متقوليش يا ست تيسير هنا! أنتِ خلاص مبقتيش كنة ليا ولا تشرفيني.
في دي عندك حق.. وإحنا فعلاً متفقين جداً.
فيه واحدة واقفة جنبنا ضحكت بصوت واطي، وحماتي وشها احمر من الكسوف. كملت بغل وقالت
افتكري الكلمة دي كويس الفلوس متبنيش ناس ولا بتشتري ابن أصول!
رديت عليها بمنتهى الثقة
عندك حق والله.. عشان كده، رغم إنك عيشتي 4 سنين كاملين في شقتي وبخيري، برضه معرفتيش تتصرفي كست بنت أصول وتحترمي نفسك.
الهمهمة والوشوشة زادت بين المعازيم، وطارق جه وجري عليا وهو بيموت من الرعب
مريم.. أرجوكِ، بلاش تخربي الدنيا أكتر من كده وتفضحينا.
أنا مخربتش حاجة يا طارق.. أنا بس بطلت أدفع تمن الكدبة والمنظرة الكدابة بتاعتكم.
في اللحظة دي، جه المهندس مدحت ومعاه اتنين من المساعدين، وقف قدامي ووطى راسه باحترام وتقدير وقال
مدام مريم، مجلس الإدارة كله مستني حضرتك.. العرض التقديمي والافتتاح هيشرف ببدء حضرتك حالاُ.
الست تيسير فتحت بقها وعينها كانت هتطلع من مكانها ومنطقتش. طارق ومض ومط وقعد يتمتم بصوت مرعوب ومذهول
مدام مريم؟!
المهندس مدحت بص له باحتقار وجفاء وقال له
مدام مريم السلغادو هي الوريثة الشرعية ورئيسة مجلس إدارة مجموعة شركات السويدي والسلغادو بالكامل!
في اللحظة دي، القاعة كلها كأن الماية والتلج نزلوا فيها وسكتت تماماً.
طلعت على المسرح وسط تصفيق حار من كل الموجودين؛ اسم بابا الله يرحمه كان لسه ليه هيبة ووزن تقيل في السوق والمقاولات. ومن فوق المسرح، شوفت طارق واقف