القصة كاملة بقلم محمد عبده
مريم شهقت.
“أمي كانت تعرفها؟”
“أكتر مما تتخيلي.”
رجعت تبص للصورة.
“والأطفال؟”
قال:
“دول أولاد سارة.”
مريم اتنهدت براحة للحظة.
“يعني مش أولادك.”
ياسين سكت.
مريم بصت له.
“إنت أبوهم؟”
فضل ساكت.
وكان صمته كفاية.
مريم قالت:
“إنت أبوهم!”
ياسين أخفض رأسه.
“أيوه.”
سكتت مريم ثواني.
ثم قالت:
“وأمهم فين؟”
“مش عارف.”
“إنت كداب.”
“والله ما أعرف.”
“إزاي مش عارف؟”
قال:
“آخر مرة شفتها كانت من خمسة شهور.”
“يوم ولادة الأطفال؟”
هز رأسه.
“بعد الولادة بيومين اختفت.”
مريم قربت منه.
“اختفت إزاي؟”
قال:
“كنت راجع من شغلي، لقيت البيت مفتوح.”
“وسارة؟”
“مش موجودة.”
“والأطفال؟”
“كانوا في السرير.”
سكت لحظة.
“وكان جنبهم ظرف.”
مريم سألت:
“إيه اللي كان جواه؟”
ياسين قال:
“تعليمات.”
“تعليمات لإيه؟”
“إن لو حصل لها حاجة، ما أسلمش الأطفال لأي حد.”
مريم بصت له.
“مين اللي كتبها؟”
ياسين أشار للصورة.
“سارة.”
—
الحاجة نوال كانت واقفة بعيد، وبتسمع من غير ما تتدخل.
لكن فجأة قالت:
“مريم.”
مريم بصت لها.
الحاجة نوال كانت ماسكة ورقة قديمة.
“الاسم ده… أنا شفته قبل كده.”
“مين؟”
“سارة منصور.”
مريم قربت منها.
“فين؟”
الحاجة نوال فتحت درج قديم.
طلعت منه مجموعة أوراق.
“من حوالي سنة، والدتك جت عندي.”
مريم اتفاجئت.
“أمي؟”
“أيوه.”
“كانت بتقول إيه؟”
الحاجة نوال قلبت في الأوراق.
ثم طلعت ورقة صغيرة.
“كانت بتسألني عن عنوان.”
مريم أخذت الورقة.
العنوان كان مكتوب عليه:
مكتب المحامي فؤاد كامل.
ياسين شاف الاسم.
وفجأة تغيرت ملامحه.
“إحنا لازم نروح له.”
مريم سألته:
“تعرفه؟”
قال:
“أعرف اسمه.”
“مين هو؟”
“المحامي اللي كان بيمسك ملفات الشركة.”
مريم بصت للورقة.
“يعني أمي كانت بتحاول تعرف حاجة عن الشركة قبل ما تمرض؟”
ياسين قال:
“أو كانت بتحاول توقفهم.”
—
بعد ساعة، خرجت مريم وياسين من شقة الحاجة نوال.
كانت مريم حاملة نور، وياسين حاملاً آدم.
اتجهوا لمكتب المحامي.
لكنهم لما وصلوا…
لقوا باب المكتب مفتوح.
الزجاج مكسور.
الأوراق مرمية على الأرض.
والكمبيوتر مكسور.
مريم قالت:
“حد سبقنا.”
ياسين دخل بحذر.
بدأ يفتش في الأدراج.
مفيش حاجة.
ثم توقف.
“هنا.”
كان فيه تجويف صغير خلف مكتبة خشب.
فتحه.
وجد صندوق معدني صغير.
مريم قربت.
“إيه ده؟”
ياسين فتح الصندوق.